Бирлашган Миллатлар Ташкилоти (БМТ) Афғонистонда гиёҳванд моддалардан тушган даромад 92 фоизга камайганини маълум қилди. Бу ҳақда Tasnim News хабар берди.
БМТнинг Афғонистондаги Наркотиклар ва жиноятчилик бошқармаси ҳисоботида мамлакатда кўкнори етиштириш 2023 йилда 95 фоизга камайгани кўрсатилган. Гиёҳванд модда етиштиришнинг камайиши кўплаб фермерлар даромадини йўқотишини англатади.
“Муқобил деҳқончилик ва уларнинг тирикчилигини қўллаб-қувватлаш керак”, — дейилади хабарда.
2023 йилда афғон фермерларининг афюн сотишдан тушган даромади 92 фоизга камайиб, 110 миллион долларни ташкил қилган, 2022 йилда бу 1360 миллион доллар эди. 2023 йилгача Афғонистондан гиёҳванд моддалар экспорти қиймати ушбу мамлакатнинг қонуний товарлар экспорти қийматидан ошиб кетган.
Изоҳ (0)