Afg‘onistonning Hilmand viloyatida opium o‘rniga ekish uchun muqobil variant aytildi. Bu haqda Sputnik Afg‘oniston xabar berdi.
Ma’lum qilinishicha, bu xurmo palmasi bo‘lib, Eronda ishlagan afg‘on fermeri bu bo‘yicha ma’lumot berdi. Hozir uning Nad-Alidagi yerida 20 ta daraxtdan iborat bog‘i bor, ularning har biri yiliga 100 kilogram xurmo beradi.
Birinchi hosilni 19 oydan keyin yig‘ib olish mumkin, bundan tashqari, palma daraxti bug‘doyga qaraganda kamroq suv iste’mol qiladi. Hilmandning quruq iqlimi bunga mos keladi. “Tolibon” harakati mamlakat uchun yangi hosilga 2023-yil 100 gektar yer ajratilishini ma’lum qildi.
“Tolibon” harakati Afg‘onistonning Nimro‘z viloyatida opiumdan olinadigan soliqni 10 oyga bekor qilib, bu muddatda kontrabandachilarga afyunni mamlakatdan olib chiqishni buyurgandi. O‘z navbatida, “Tolibon” harakati rahbari mulla Haybatulla Oxundzoda Afg‘onistonda marixuana yetishtirishni taqiqlagan.
Izoh (0)