Ижтимоий тармоқларда Андижон вилояти Шаҳрихон туманида Ўзбекистон Экологик партиясидан кўрсатилган номзоднинг баннерини илаётган ободонлаштириш ходимини электр токи урди, деган мазмундаги хабар тарқалди.
Ҳақиқатан ҳам, бугун, 30 сентябрь куни партиямиздан кўрсатилган номзоднинг баннерини илиш жараёнида бахтсиз ҳодиса туфайли ободонлаштириш ходими электр токидан шикастланган, дейилади партия маълумотида.
Ходим зудлик билан шифохонага олиб борилиб, тез тиббий ёрдам кўрсатилган ва ҳозирда аҳволи яхши экани билдирилган.
Ўзбекистон Экологик партияси вакиллари томонидан ободонлаштириш ходими ҳолидан хабар олиниб, партия зарур ёрдам кўрсатишга тайёр экани билдирди.
Шунингдек, партия раҳбари Абдушукур Хамзаев шикастланган ходим билан телефон орқали мулоқот қилиб, унга соғлик тилади.
Аввалроқ ушбу ҳолат бўйича “Ҳудудий электр тармоқлари” Андижон ҳудудий филиали матбуот хизмати изоҳ берганди.
Изоҳ (0)