Тошкент шаҳри Мирзо Улуғбек туманидаги савдо дўконида осилган реклама баннерини танқид қилган блогер жаримага тортилди. Бу ҳақда пойтахт Ички ишлар бош бошқармаси ахборот хизмати хабар берди.
Ҳолатни ўрганиш мақсадида 16 февраль куни фуқаро Ш.А. Чирчиқ шаҳри ички ишлар органлари фаолиятини мувофиқлаштириш бўлимига таклиф этилди. Ўтказилган суҳбат давомида фуқаро юқорида келтирилган дўкондаги реклама баннерларига нисбатан муносабатини ўзининг диний қарашларидан келиб чиққан ҳолда билдирганини маълум қилди.
Шунингдек, Ш.А. турли диний мавзудаги материалларни амалдаги қонунчиликка зид равишда ижтимоий тармоқлардаги шахсий саҳифаси орқали тарқатиб келаётгани аниқланди. Ўзбекистон Республикасининг “Ҳуқуқбузарликлар профилактикаси тўғрисида”ги қонунига асосан ўтказилган профилактик суҳбат давомида мазкур фуқарога қонунчилик ҳужжатлари талаблари тушунтириб ўтилди.
Ўзбекистон Республикаси “Виждон эркинлиги ва диний ташкилотлар тўғрисида”ги қонуннинг 10-моддасига биноан, мамлакат ҳудудида диний мазмундаги материалларни тайёрлаш ва тарқатиш диншунослик экспертизасининг ижобий хулосаси олинганидан кейин амалга оширилади. Шу муносабат билан суд идоралари томонидан фуқаро Ш.А.га нисбатан Маъмурий жавобгарлик тўғрисидаги кодекснинг 184-2-моддасига (Диний мазмундаги материалларни қонунга хилоф равишда тайёрлаш, сақлаш, олиб кириш ёки тарқатиш) асосан, базавий ҳисоблаш миқдорининг 3 баробари миқдорида жарима жазоси тайинланди.
Изоҳ (2)
Siz aytayotgan oʻzbek qonunlarini kim yozgan? Yozgan odamlarni koʻpchiligi alla qachon oʻlib ketgan qolganlari ham oʻlib ketadi yaqinda shunday ekan oʻlib ketadiganlarni emas Allohni qonunlari bilan yashaylik u boqiy oʻlib ketmaydi uni qonunlari gunhsizni oqlaydi gunohkorni jazolaydi u odil oʻylab koʻringlar sizlar ham ertaga javob berasizlarku
Prosta kulgil.
Ozim korganman toshkentda dokonlarda bolalar rasim daftarlarida yarim yalang'och rasimlari bor buni hechkim nazorat qilmaydi tushunmadim ahu rasimlarga qaysi taraflama qarash kerak