Бугун, 11 май куни Ўзбекистон Экологик партияси марказий кенгашининг навбатдан ташқари пленуми бўлиб ўтди. Йиғилишда президентликка номзод масаласи кўриб чиқилган.
ЎзА хабарига кўра, пленумда партия марказий кенгаши ижроия қўмитаси раиси Абдушукур Ҳамзаевни Ўзбекистон президенти лавозимига номзод этиб кўрсатиш бўйича қарор қабул қилинди.
Ҳозирча бошқа партиялар номзодлари маълум қилинмади.
Эслатиб ўтамиз, Ўзбекистонда 2023 йил 9 июль куни муддатидан олдин президентлик сайлови ўтказилиши белгиланган. Марказий сайлов комиссияси 10 майдан президентлик учун сайлов кампаниясини бошлашни эълон қилган. Сайлов округларини тузиш 15 майгача, сайлов участкаларини тузиш 25 майгача белгиланмоқда. Бундан ташқари, сайловчиларнинг ягона электрон рўйхати тузилади.
Сиёсий партиялар ўз ваколатли вакилларини рўйхатдан ўтказиш учун сайлов кампанияси эълон қилинганидан кейин 3 кун муддат ичида Марказий сайлов комиссиясига мурожаат қилиши керак бўлади. Сайловда иштирок этиш учун партиялар 15 майгача ҳужжатларни тақдим этишлари зарур. 17 май—1 июнь оралиғида президентликка номзодлар кўрсатилади.
Изоҳ (1)
eko partiyaga saylovda nima bor ekalogiya rasvosi chiqib yotibdi shu bilan shugʻullana boʻlmaydimi boshqa davlatlarda eko partiyadagilar oʻrmonlarda tabiatni asrash boʻyicha faoliyat yuritadi biznikilar kastyum shim galustugni afzal koʻradi