Наманган шаҳрида 1 май куни эркак устига реклама баннери қулади. Бош прокуратура матбуот котиби ҳолат юзасидан маълумот берди.
Унга кўра, 1 май куни Наманган шаҳрида жойлашган реклама баннери фундаментидан ўпирилиб, ерга тушиши оқибатида бир нафар шахс, 1997 йилда туғилган йигит тан жароҳати олган ва ҳушини йўқотган. Шундан сўнг ён атрофда бўлган фуқароларнинг кўмагида жабрланган шахс дарҳол шифохонага олиб кетилган.
Мазкур ҳолат юзасидан текшириш ҳаракатлари олиб борилмоқда.
Аввалроқ Фарғонада ишчи ўзи кесаётган 18 метрли бункерлар остида қолиб, ҳалок бўлгани хабар қилинган эди.
Изоҳ (0)