Машҳур актёр Халит Эргенчнинг рафиқаси актриса Бергузар Корел обуначиларга ҳомиладорлигининг 30-ҳафтасида коронавирусга қарши эмланганини маълум қилди, деб хабар бермоқда «RusTurkey.com» нашри.
«Очиғини айтаман ... Фарзандимни дунёга келтириб, кейин эмланишни ўйлагандим. Чунки Хон туғилгандан кейин пандемия бошланди, биз уйдан чиқмадик — бутунлай изоляцияда бўлдик. Яна ҳомиладор эканлигимни билганимда касаллик авжига чиққан пайт эди, мен янада эҳтиёткор бўлдим. Бундай қўрқув билан яшаш осон эмас экан.
Чақалоқ билан узоқ вақт уйдан чиқмаганим учунми ёки кутилмаганда яна ҳомиладор бўлганим учунми, жуда чарчадим. Реанимацияда ётган ҳомиладор аёлларнинг аҳволи, коронавирус билан касалланиш кўпайгани ҳақида билганим учун ҳам эмланишга қарор қилдим.
Мен ҳозир ҳомиладорликнинг 30-ҳафтасидаман. Унутмангки, вирус ҳар кимга юқиши мумкин. Шу туфайли болалар бир ярим йилдан бери мактабга тўлиқ бора олишмаяпти. Вакцинани биринчи навбатда болаларимизнинг келажаги учун олдим. Илтимос, эмланинг. Шифокорингиз билан маслаҳатлашинг ва биргаликда қарор қабул қилинг», — деб ёзган Бергузар ижтимоий тармоқларда.
Маълумот учун, 51 ёшли Ҳалит ва 38 ёшли Бергузарнинг икки нафар фарзанди бор. Катта фарзанди 11 ёшда, кенжаси Хон эса 2020 йил 8 сентябрда туғилган. Аввалроқ baby shower маросимидаги фотолари билан бўлишган актриса бўлажак фарзандининг жинси қиз эканини маълум қилганди.
Мавзуга доир:
- Турк киносининг машҳур жуфтликлари бўш вақтини қандай ўтказади? (фото)
- Нафақат саҳнада, балки ҳаётда ҳам ажралмас дўст бўлган турк юлдузлари (фото)
- «Муҳташам юз йил» сериали актёрлари яна қандай сериалларда суратга тушган?
- 2021 йил баҳор мавсумида якунланаётган учта машҳур турк сериали
- «Муҳташам юз йил» сериали юлдузлари иштирокидаги 2021 йилги турк сериаллари
Изоҳ (0)