EastFruit таҳлилчиларига кўра, 2023 йил якуни бўйича Ўзбекистон дунёда узум экспорт қилувчи энг йирик давлатлар қаторидан чиқиб, 20-ўринга тушди. Мамлакат узумчилик экспорти бўйича бир йилда 11 пағонага пастлади. “Дарё” журналисти билан суҳбатда бўлган паркентлик фермер Гавҳар Ризаеванинг айтишича, рейтингда пастлаш 2023 йилда узум ҳосилининг яхши бўлмагани билан боғлиқ.
Шахсан ўзимда Паркент туманининг Заркент қишлоғида 25 гектарлик узумзор бор. Uzumзорим лалми ерда. Бу йил ҳосилдорлигимиз зўр. 2022 йилдаги аномал совуқ 2023 йилдаги узум ҳосилимизнинг кескин тушиб кетишига сабаб бўлди. Натижада Ўзбекистон узум экспортида сезиларли даражада пастлади, дейди заркентлик Гавҳар Ризаева.
Суҳбатдош фермернинг айтишича, 2024 йилдаги мавсумда 25 гектарлик узумзоридан жуда катта ҳосил олиши режалаштирилган.
2024 йилдаги ҳосилдорлигимиз жуда зўр. Насиб этса узум экспортини 110 фоизга бажаришни режа қиляпмиз. Ва ўйлайманки, мен ҳамда мен каби узум етиштирувчи, экспорт қилувчиларнинг меҳнати сабаб Ўзбекистон яна узум экспорти бўйича юқори ўринларга чиқади, дейди Тошкент вилоятининг Паркент туманида фаолият юритувчи фермер аёл.
Гавҳар опанинг маълумот беришича, у ҳар йили 250 тоннагача узум экспорт қилади.
300 тонналик музлатгичимиз бор. Бунда сархил меваларимизни сақлаб, 4-5 ойдан сўнг узумларимизни қўшни Қозоғистон, Қирғизистон ва Россиянинг барча ўлкаларига сотамиз, дейди фермер.
Изоҳ (0)