Украина Қуролли кучлари Бош штаби F-16 самолёти йўқотилганини тасдиқлади.
26 август куни Россия ҳужумини қайтаришда Украина Қуролли кучларининг F-16 қирувчи самолётлари қатнашган. Мақсадли ҳужум пайтида самолётлардан бири билан алоқа узилиб қолган.
Бу ҳақда Украина ОАВлари Украина Қуролли кучлари Бош штаби баёнотига таяниб хабар берди.
“Ҳаво жанги пайтида F-16 самолёти ўзининг юқори самарадорлигини намойиш этди, борт қуроллари билан душманнинг тўртта қанотли ракетаси уриб туширилди. Аммо кейинроқ самолётлардан бири билан алоқа узилди. Текширишлар самолёт ҳалокатга учрагани ва учувчи ҳалок бўлганлигини тасдиқлади. Мудофаа вазирлигининг самолёт қулаган ҳудудда иш олиб бораётган махсус комиссияси авария сабабларини аниқлашга ҳаракат қилмоқда”, дейилади хабарда.
Аввалроқ Украинага топширилган F-16 самолётлари Америка ракеталари билан жиҳозланиши хабар берилганди.
Изоҳ (0)