Россия президенти Владимир Путин КХДР етакчиси Ким Чен Инга КХДР етакчисининг севимли жонивори – Орлов рисаки зотли 24 та отини совға қилди. Бу ҳақда Тҳе Тимес нашри маълум қилди.
Нашрга кўра, бу Россия президентининг Ким Чен Инга отлардан иборат биринчи совғаси эмас, 2022 йилда ҳам Пхеньянга Москвадан 30 та от келтирилган.
Бу йилги партия 19 та айғир ва бешта тойчоқни ўз ичига олган, жониворлар Приморск ўлкаси орқали олиб ўтилган.
Шунингдек, жорий йил бошида Россия президенти Владимир Путин Шимолий Корея раҳбари Ким Чен Инга маҳаллий ишлаб чиқарилган автомобиль совға қилган эди.
Ким Чен Иннинг Путинга совғалари орасида эса камёб Пхунсан зотли иккита овчи ит ҳам жой олган. Улар ноёб ҳисобланиб, КХДРдан ташқарида кенг тарқалмаган. Кремль президент итларни ёқтиргани ва кейинроқ уларга ном бергани ҳақида хабар берган.
2019 йилда Ким Чен Ин Пектусан тоғига от миниб, жамоатчиликни ҳайратда қолдирган ва у ерда АҚШга баланд овозда баёнот берган эди.
Изоҳ (0)