Rossiya prezidenti Vladimir Putin KXDR yetakchisi Kim Chen Inga KXDR yetakchisining sevimli jonivori – Orlov risaki zotli 24 ta otini sovg‘a qildi. Bu haqda The Times nashri ma’lum qildi.
Nashrga ko‘ra, bu Rossiya prezidentining Kim Chen Inga otlardan iborat birinchi sovg‘asi emas, 2022-yilda ham Pxenyanga Moskvadan 30 ta ot keltirilgan.
Bu yilgi partiya 19 ta ayg‘ir va beshta toychoqni o‘z ichiga olgan, jonivorlar Primorsk o‘lkasi orqali olib o‘tilgan.
Shuningdek, joriy yil boshida Rossiya prezidenti Vladimir Putin Shimoliy Koreya rahbari Kim Chen Inga mahalliy ishlab chiqarilgan avtomobil sovg‘a qilgan edi.
Kim Chen Inning Putinga sovg‘alari orasida esa kamyob Pxunsan zotli ikkita ovchi it ham joy olgan. Ular noyob hisoblanib, KXDRdan tashqarida keng tarqalmagan. Kreml prezident itlarni yoqtirgani va keyinroq ularga nom bergani haqida xabar bergan.
2019-yilda Kim Chen In Pektusan tog‘iga ot minib, jamoatchilikni hayratda qoldirgan va u yerda AQSHga baland ovozda bayonot bergan edi.
Izoh (0)