Ўзбекистон ташқи ишлар вазири Бахтиёр Саидов бугун БМТ Аҳолишунослик жамғармаси (UNFPA)нинг Ўзбекистондаги доимий вакили Нигина Абасзадени қабул қилди.
Бу ҳақида вазир ўзининг Telegram каналида хабар берди.
“БМТ Аҳолишунослик жамғармасининг (UNFPA) Ўзбекистондаги доимий вакили, доктор Нигина Абасзаде хоним билан самарали учрашув ўтказдик.
Ўзбекистон ҳукумати оналар саломатлигини яхшилаш, аҳоли ўсиши, ёшлар салоҳиятини ошириш, гендер тенглиги ва бошқа кўплаб йўналишларда энг яхши шарт-шароитларни яратиш мақсадида халқаро ташкилотлар билан фаол ҳамкорлик қилмоқда.
Биз 30 йилдан зиёд вақт давомида мамлакатимизда фаолият юритиб келаётган UNFPA жамоаси томонидан олиб борилаётган барча муҳим ишларни қадрлаймиз”,— деб ёзди Бахтиёр Саидов.
Аввалроқ БМТ аҳолишунослик жамғармасининг (UNFPA) ваколатхонаси Ўзбекистонда 2017 йилдан кейин туғилиш ўсишининг асосий омиллари нима экани ҳақида “Дарё”га маълум қилганди.
Унга кўра, болали оилалар моддий аҳволининг яхшиланиши ҳамда одамларнинг эртанги кунга ишончи даражасининг умумий ўсиши бунга асосий омил экани қайд этилган.
Изоҳ (0)