Chexiyaning Karl universiteti texnik ko‘magi ostida Oila va xotin-qizlar instituti tomonidan o‘tkazilgan O‘zbekistonda tug‘ilish omillarini o‘rganish bo‘yicha o‘tkazilgan tanlanma so‘rov natijalarini taqdim etdi. Bu haqda BMT aholishunoslik jamg‘armasining (YUNFPA) O‘zbekistondagi vakolatxonasi “Daryo”ga maʼlum qildi.
Tadqiqotda O‘zbekistondagi tug‘ilish darajasi va ayollarning reproduktiv xatti-harakatiga taʼsir ko‘rsatuvchi omillarga doir muhim maʼlumotlar qayd etilgan.
“Amalga oshirilgan tadqiqot natijalariga ko‘ra O‘zbekistonda 2017-yildan keyin tug‘ilish o‘sishining asosiy omillari sifatida bolali oilalar moddiy ahvolining yaxshilanishi hamda odamlarning ertangi kunga ishonchi darajasining umumiy o‘sishini qayd etish mumkin. Shakllantirilgan barcha farazlar klassik kogort-komponentli namoyish modeli, aholini prognozlashtirish bo‘yicha keng foydalaniluvchi usul parametrlarini baholash uchun zamin sifatida xizmat qiladi”, — deyiladi YUNFPA axborotida.
Ma'lumot uchun, Prognozga ko‘ra, O‘zbekiston aholisi yaqin o‘ttiz yil davomida tezkor surʼatlarda o‘sib boradi. Katta ehtimol bilan 2028-yilga borib aholi soni 40 millionga yetadi, 2050-yilgacha esa bu ko‘rsatkichning 50 milliondan ortishi kutilmoqda.
Avvalroq O‘zbekistonda 2050-yilga borib aholining keksayish surʼatlari o‘sishi kutilayotgani xaqida xabar berilgan edi.
Izoh (0)