Қозоғистон ҳукумати 2024 йил охиригача олма олиб киришни тақиқлаш тўғрисида қарор қабул қилди. Бу ҳақда бош вазир сайтида хабар берилди.
Қишлоқ хўжалиги вазирлигига кўра, бу йил олма ялпи ҳосили 300 минг тоннага етиши кутилмоқда. Меваларнинг бундай ишлаб чиқариш ҳажмига эришиш ўтган йилларда боғдорчиликни ривожлантириш учун кўрсатилган давлат қўллаб-қувватлаш чоралари туфайли мумкин бўлди.
“2024 йилда олма боғлари тўлиқ ҳосилга кириши ва ҳосилдорликнинг 18 фоизга ошиши кутилмоқда, бу ички бозор эҳтиёжини қондиради”, дейилади ҳукумат баёнотида.
Муҳокама якунига кўра, йил охиригача Евросиё иқтисодий иттифоқи давлатларидан ташқари, учинчи мамлакатлардан Қозоғистонга транспортда олма олиб киришни вақтинчалик тақиқлаш тўғрисида қарор қабул қилинган.
Изоҳ (0)