Мазкур замонавий автомобиллар нафақат нархи, балки уникал хусусиятлари билан ҳам ҳайратда қолдиради.

Rolls-Royce Droptayl

Нархи: 30 миллион доллар

Автомобиль Rolls-Royce Coachbuild кесимида ишлаб чиқарилган. Сўнгги ўн йилликларда оммавий ишлаб чиқаришни сиқиб чиқарган камёб амалиёт. Аммо Rolls-Royce ўз анъанасини тиклашга ва талабчан мижозларга автомобилнинг ташқи кўринишини ўзлари танлашига имкон беришга қарор қилди.

Dropтаил линиясида олинадиган томли тўртта катта икки кишилик ўриндиқли автомобиль режалаштирилган, аммо ҳозирча уларнинг учтаси ишлаб чиқарилган, холос. Биринчи модел Rolls-Royce Phantom асосида яратилган ва “Ла Росе Ноире” деб номланган бўлиб, бу французчадан таржима қилинганда “қора атиргул” маъносини англатади. У Блек Баккара навли атиргул рангига бўялган, бунда бўёқ ранги кўриш бурчагига қараб ўзгаради. Бу эффектга эришиш учун 150 та турли хил рангларни яратишга тўғри келган.

Салон ва кузовлар қўлда яратилган 1603 та ёғоч деталлар, 1070 та симметрик элементлар ва 533 та асимметрик контраст “гулбарглар”дан иборат мозаика билан безатилган. Расмни чизишга 9 ой вақт кетган. Машинада кўплаб ноёб элементлар мавжуд: ноодатий эшиклар, радиатор панжарасининг қўлда ишланган парраклари, атиргулга ўхшаш дизайнга эга ғилдиракли дисклар, хронографли аналог соатлар.

Капот остида 6,75 литрли кучли V12 двигатели ўрнатилган. 563 от кучига эга бўлган мотор 4,97 сонияда 0 дан 100 км/соатгача тезлашишга ва равон ҳаракатни сақлаб қолган ҳолда деярли 250 км/соат тезликни оширишга имкон беради. Ҳозир бундай катта литражли ва цилиндрлар сони кўп бўлган двигателлар камдан кам учрайди.

Bugatti La Voiture Noire

Нархи: 19 миллион доллар

Модель 1930 йилларда ишлаб чиқарилган тўртта Bugatti Тypе 57 СC Atlantic машинасидан илҳомланган. Ушбу тўпламдаги автомобиллардан бири — La Voiture Noire (фр. “Қора машина”) Эттор брендининг асосчисининг ўғли Жан Бугаттига тегишли эди. Машинани унинг шахсан ўзи лойиҳалаштирган. Жаннинг автомобили Иккинчи жаҳон уруши пайтида йўқолган ва унинг йўқолиши автомобиль дунёсини ҳанузгача ҳаяжонга солаётган жумбоқлардан биридир.

Бир неча йил давомида дунёдаги энг қиммат машина бўлган янги моделни ҳам шундай номлашга қарор қилишади. Унинг асосий хусусияти: 8,0 литрли В16 двигатели 1,479 от кучига эга. Худди Чирон каби 2,5 сонияда 100 км/соат тезликка эришиш имконини беради. Гиперкарнинг максимал тезлиги — 420 км/соат.

Машинанинг қора кузови қўлда карбондан тайёрланган. Олтита чиқариш қувури ва тўлқинсимон LED стоп-чироқлари дизайнни тўлдиради. Модель ягона нусхада мавжуд.

Pagani Zonda HP Barchetta

Нархи: 17,5 миллион долларгача

Pagani Zonda линиясининг биринчи автомобили 1999 йилда пайдо бўлган. 8 йил ичида ишлаб чиқарилган бир нечта вариантлардан сўнг, ишлаб чиқарувчи мунтазам равишда кейингиси сўнггиси бўлишини айтган бўлса ҳам, лекин барибир мижозларнинг сўровлари бўйича эксклюзив машиналарни йиғишда давом этди. Шундай қилиб, Pagani Zonda HP Barchetta компаниянинг асосчиси Ҳоратио Паганининг ўзи учун ишлаб чиқарилган. У ушбу суперкарни бир вақтнинг ўзида иккита байрамга: 60 ёшга тўлиши ва Pagani Аutomobili очилишининг 20 йиллигига ўзига ўзи совға қилади. Ҳаммаси бўлиб 3 та бир хил нусха ишлаб чиқарилган, аммо улардан бири 2022 йилда автоҳалокатга учраган, ҳозирда дунёда бундай машиналар бор-йўғи иккита.

Алоҳида енгил композитдан ясалган тўлиқ очиқ кузов, эгилувчан олд ойна ва ажойиб аэродинамика — бу эксклюзив автомобилнинг асосий хусусиятлари ҳисобланади. У 7,3 литрли ва 789 от кучига эга V12 двигатели, шунингдек, ноёб механик олти поғонали узатмалар қутиси билан жиҳозланган. Буларнинг ҳаммаси 3,1 соатда 100 км/соат тезликка эришиш имконини беради.

Spyros Panopoulos Chaos

Нархи: 14 миллион доллар

Грециянинг Spyros Panopoulos Аutomotive компанияси бу автомобилни 2021 йилда эълон қилган бўлса-да, ҳали ишлаб чиқармаган. Аммо яқинда бренд эгаси ижтимоий тармоқларда автомобиль 2024 йилда чиқарилиши ҳақида эълон қилди. Компания асосчиси, айниқса, 3D принтерда деталларни чоп этиш ва композит материаллар билан ишлашда муваффақиятга эришган, шунинг учун машина чиндан ҳам ғайриоддий бўлиши мумкин.

Автомобилнинг техник хусусиятлари ҳайратланарли: тўлиқ узатма, 4 литрли V10 бензинли двигатель, 2.077 от кучига эга Earth Version ва 3.07 от кучига эга Zero Gravity. Ишлаб чиқарувчи “Формула 1” автомобилларига ўхшашини айтиб, моделни “ультракар” деб атади. 1,55 сонияда юзгача тезланишни ва 500 км/соатдан юқори максимал тезликни эълон қилди. Бироқ ҳозирча бу хусусиятларнинг барчаси фақат қоғозда мавжуд.

Rolls-Royce Sweptail

Нархи: 13 миллион доллар

Яна бир ўзига хос модел Rolls-Royce Coachbuild кесимида хусусий буюртма асосида ишлаб чиқарилган. Мижоз автомобиль 1920-1930 йиллар классикасини, масалан, Phantom’ни эслатишини талаб қилади. Техник асосни 6,75 литрли В12 двигателига эга замонавий Phantom Coupe беради. Автомобиль 5,8 сонияда “юзга” чиқиши ва соатига 250 км тезликка эришиши мумкин.

Мижознинг алоҳида истаги: машина яхтага ўхшаши керак. Буюртмачи талабларини компания бош дизайнери билан яқиндан мулоқот қилган ҳолда Rolls-Royce штаб-квартирасида муҳокама қилади. Икки ўринли купе ҳақиқатан ҳам кемага ўхшайди: орқа қисми кема қуйруғи каби тораяди, олд томонда эса радиаторнинг каттакон панжараси атрофдаги ҳамма нарса акс этади ва ёруғда ялтирайди. Интерьер махсус тери ва ноёб ёғочдан ишланган. Ҳатто бир шиша шампан ва фужерлар учун махсус музлаткич ҳам бор.