Бирлашган Араб Амирликлари расмийлари илк бор лотерея ўйинларини ўтказиш учун лицензия берди.
28 июль куни Тижорий ўйинларни тартибга солиш бўйича бош орган (GCGRA) Тhe Gamе LLC’га лицензия берганини эълон қилган.
Ушбу эълон GCGRA’нинг БААда шаффофлик, ҳисобдорлик, истеъмолчилар ҳуқуқларини ҳимоя қилиш ва масъулиятли ўйин амалиётлари тамойилларига асосланган яхши тартибга солинадиган тижорат ўйин секторини яратиш бўйича саъй-ҳаракатларида янги босқични белгилаб беради, деди регулятор баёнотида.
Game LLC “БАА лотерея” бренди остида фаолият юритади ва фойдаланувчиларга лотереялар ҳамда бошқа қимор ўйинларининг бир нечта турларини таклиф этади. Ҳокимият томонидан лицензияланган лотереянинг айнан қачон биринчи ўйини бўлиб ўтиши ҳақида хабар берилмаган.
Бу БАА тарихида расмийлар томонидан лотерея ўтказиш учун берилган биринчи лицензия бўлишига қарамай, мамлакатда узоқ вақтдан бери лотереялар, жумладан лотереялар кўринишидаги ютуқ ўйинлари ўтказилиб келинмоқда. Улар учун чипталар қимор ўйинлари ислом дини томонидан тақиқлангани ва мамлакатда ноқонуний ҳисобланганига қарамай, супермаркетлар, аэропортлар, савдо марказлари ва банкларда эркин сотилмоқда.
Мутахассислар аллақачон лицензия беришни қимор ўйинларини янада қонунийлаштириш йўлидаги қадам деб ҳисоблашган. Шу билан бирга, Bloomberg Intelligence ҳисоб-китобларига кўра, қимор бизнесини қонунийлаштириш ва қимор ўйингоҳларини қуриш миллионлаб хорижий сайёҳларни жалб қилиши ва ғазнага БАА ялпи ички маҳсулотининг 1,3 фоиз эквивалентини келтириши мумкин.
Изоҳ (0)