Хитой ТИВ вакили Лин Сзян Хитой АҚШдаги президентлик сайловига аралашмаслигини айтиб, Вашингтонни дезинформация тарқатишни бас қилишга чақирди.
Хитой Америка сайловларига ҳеч қачон аралашмаган ва бундан кейин ҳам аралашмайди, деди Лин Сзян.
Бир кун аввал АҚШ Миллий разведка идораси Россия, Хитой ва Эрон бўлажак президентлик сайловлари натижаларига таъсир ўтказишга уринаётгани ҳақида ҳеч қандай далилсиз баёнот берган эди. Reutersъга кўра, америкалик расмийлар Хитой ҳукумат идораларини технология компаниясидан Қўшма Штатлардаги махфий операцияларни кучайтириш учун фойдаланганликда айблаган.
Хитойлик дипломат, шунингдек, АҚШ томонини Хитойга туҳмат қилишни ва “сайловларга аралашаяпти” деган ёлғон маълумотни тарқатишни тўхтатишга чақирган.
26 июль куни Хитойнинг Вашингтондаги элчиси Се Фен Хитой АҚШ президентлик сайловларига аралашишни режалаштирмаётганини ва бунинг эвазига “Тайван масаласи” бўйича ҳам худди шундай ёндашувни кутишини маълум қилган. Унинг қўшимча қилишича, Пекин бу масалаларда Вашингтон билан ижобий икки томонлама ҳамкорликка умид билдирган.
Изоҳ (0)