Саудия Арабистони Ар-Риёдда йирик халқаро тадбирларга мезбонлик қилиш учун 92 минг сиғимга мўлжалланган стадион қуришни режалаштирмоқда, қироллик 2034 йилги Жаҳон чемпионатига мезбонлик қилиш ҳуқуқини қўлга киритмоқчи. Бу ҳақда Al Arabiya хабар берди.
Саудия спорт вазирлиги 2029 йилнинг тўртинчи чорагида қуриб битказилиши режалаштирилган стадионнинг тасдиқланган лойиҳасини эълон қилди.
Стадион Саудия Арабистони терма жамоасининг асосий базаси бўлиб хизмат қилади ва ёпиқ спорт зали, Олимпия ҳавзаси ва бошқа иншоотлардан иборат спорт мажмуасининг бир қисми бўлади. У Саудия қироли Салмон шарафига номланади.
“Лойиҳа олтита халқаро компаниянинг бир нечта таклифлари орасидан танлаб олинди, бу унинг FIFA талаблари, барқарорлик ва меъморий мукаммаллик стандартларига жавоб беришини таъминлайди”, дейилади вазирлик хабарида.
Саудия Арабистони март ойида 2034 йилги Жаҳон чемпионатига мезбонлик қилиш кампаниясини бошлаганди.
Изоҳ (0)