Apple компанияси ўз қурилмаларида сунъий интеллект (АI) платформаси Apple Intelligence ишга туширилишини кечиктирди ва энди уни октябрь ойига қадар ишга туширишни режалаштирмоқда, деб ёзади Bloomberg хабардор манбаларга таяниб.
Аввалроқ Apple Intelligence iOS 18 ва iPadOS 18 ўрнатилган смартфон ва планшетларда пайдо бўлиши кутилган эди, улар сентябрь ойида чиқарилади.
Платформанинг ишга туширилиши унинг барқарорлиги билан боғлиқ хавотирлар туфайли кейинга қолдирилди.
Шу билан бирга, ишлаб чиқувчилар iOS 18.1 ва iPadOS 18.1 нинг бета-версияларини синовдан ўтказиш доирасида шу ҳафтада ундан фойдаланиш имкониятига эга бўладилар. iOS 18.0 ни ишлаб чиқиш июль ойи охиригача якунланиши режалаштирилган.
Apple ҳар сентябрь ойида янги дастурий таъминотга эга янги iPhone’ларни тақдим этади. Операцион тизим дўконларга жўнатишдан олдин қурилмаларга ўрнатилиши учун бир неча ҳафта олдин тайёр бўлиши керак.
Компания июнь ойида ўзининг дастурчилар конференциясида Apple Intelligence ҳақида эълон қилди. Шу билан бирга, у бу йил ўз қурилмаларига ChatGPT чатботини қўшишини маълум қилган.
Изоҳ (0)