АҚШ дронлар ишлаб чиқариш бўйича 3 миллиард доллардан ортиқ хизматларни Ҳиндистонга таклиф қилди

АҚШ Ҳиндистонга мамлакатда илғор дронларни яратиш учун 3,1 миллиард долларлик консалтинг хизматларини таклиф қилди.

Бу ҳақда The Economic Times хабар бермоқда.

Маълумотларига кўра, Американинг 31 та МQ-9B разведкачи дронларни сотиб олиш бўйича Ҳиндистон томонидан қилинган мурожаат юзасидан музокаралар чоғида таклифлар билдирилган. Келишув Ҳиндистон бош вазири Нарендра Моди раислигида бўлажак йиғилишида кўриб чиқилиши ва тасдиқланиши кутилмоқда. АҚШнинг консалтинг хизматлари Ҳиндистон ташкилотлари ва корхоналарига дронларни ишлаб чиқариш вақтини қисқартиришга ёрдам беради.

Февраль ойида АҚШ давлат департаменти MQ-9B Sky Guardian Aircraft дронлари ва бошқа тизимларини Ҳиндистонга 3,99 миллиард долларга консалтинг тўловларисиз сотиш эҳтимолини тасдиқлади. Бўлажак келишув доирасида Ҳиндистон расмийлари Қўшма Штатлардан 31 та MQ-9B Sky Guardian Aircraft дронлари, 170 та АGM-114R Hellfire ракеталари, 310 та GBU-39B бошқариладиган авиабомбалар, эҳтиёт қисмлар ва турли тизимларни сотиб олишга рухсат сўраган.

Ҳиндистон АҚШдан сотиб олинган MQ-9B Sky Guardian дронларини армия, ҳаво кучлари ва денгиз флоти ўртасида тарқатишни ва дронларни Покистон ҳамда Хитой билан чегаралар яқинидаги олдинга силжиш базаларида жойлаштиришни режалаштирмоқда.