Қозоғистоннинг Павлодар вилоятида январь ойида “Майкаинзолото” АЖ ҳудудида ер остига тушиб кетган автобус топилди. Бу ҳақда Tengrinews хабар берди.
Автобус 4 январь куни “Майкаинзолото” АЖ ҳудудида ер остига тушиб кетган. Унинг ичида тўрт нафар қутқарувчи бўлган. Уч кишининг жасади топилган, ҳайдовчиники эса аниқланмаган.
“24 июль куни кечқурун ер қазиш вақтида қутқарувчилар автобуси топилган. Ёмғир, шамол ва кўчки хавфи сақланиб қолаётгани сабабли қидирув ишлари алоҳида эҳтиёткорлик билан олиб борилмоқда. Бугун (25 июль) эрталаб соат 05:00 дан қидирув ишлари давом эттирилди. Айни пайтда автомобилнинг олд қисмига етиб боришга муваффақ бўлинди, юқорида бампер ва ғилдирак кўриниб турибди”, дейди Павлодар ҳокимияти матбуот хизмати.
Таъкидланишича, тўртинчи қутқарувчи, 55 ёшли ҳайдовчи Айип Тлеубергеновнинг жасади ҳозирча топилмаган.
“Умид қиламизки, қидирув ишлари тез орада кутилган натижани беради”, дейилади расмий муносабатда.
Изоҳ (0)