Қозоғистонда олий таълимга фоизсиз кредит бериш йўлга қўйилади. Бу ҳақда 24 июль куни Қозоғистон фан ва олий таълим вазири Саясат Нурбек маълум қилди.
Вазирнинг сўзларига кўра, бу амалиёт Қўшма Штатларда қўлланилади ва йил охиригача у қозоғистонлик абитуриентлар учун ҳам мавжуд бўлади. Вазирлик бир қатор иккинчи даражали банклар билан ҳамкорликда иш олиб бормоқда ва қонун лойиҳасини ишлаб чиқиш якунланмоқда.
Мазкур ташаббус мамлакатда олий таълим олиш имкониятини ошириш учун жорий этилиши режалаштирилаётган ягона восита эмас.
Саясат Нурбекнинг таъкидлашича, қозоғистонликлар фоизсиз кредитдан ташқари ўз жамғармаларидан фойдаланиб, “Болалар миллий жамғармаси” дастуридан фойдаланишлари мумкин.
Шунингдек, вазирлик “Келешек” дастурини ҳам йўлга қўяди, унга кўра абитуриентларнинг ота-оналари давлат ва банк мукофотлари ҳисобидан бошланғич капитал орқали мустақил равишда таълим олиш учун маблағ тўплашлари мумкин.
Тўртинчи восита - табақалаштирилган грантлар. Жорий йилда грантлар тақсимоти доирасида пилот лойиҳа ишга туширилган. Унга кўра, агар бола яхши балл олган бўлса-ю, лекин унинг танлаган мутахассислиги бўйича юқори рақобат мавжуд бўлса - бизда 100 балл ҳам, 115 балл ҳам грант ололмайди. Рақобат жуда юқорилиги сабабли бола имтиҳондан йиқилса, биз қўшимча 75 фоиз, 50 фоиз грантлар беришга тайёрмиз, дейди вазир.
Аввалроқ Мажилис депутати Асхат Аягаметов қозоғистонлик талабаларни дунёнинг етакчи университетлари – Болашакда (Қозоғистон Республикасининг биринчи президенти Нурсултон Назарбоевнинг халқаро таълим стипендияси) ўқитиш дастури кенгайтирилгани ҳақида маълум қилганди. Олимпиада ва илмий лойиҳа танловлари ғолиблари унда бакалавриат дастури доирасида иштирок этишлари мумкин бўлади.
Изоҳ (0)