Қозоғистоннинг Олмаота шаҳрида 26 июнь куни йўловчилари бўлган автобус йўл-транспорт ҳодисасига учради. Ҳодиса оқибатида 16 нафар йўловчи тан жароҳати олган, бир нафари воқеа жойида вафот этган. Бу ҳақда “Zakon.kz” хабар берди.
Полициянинг аниқлик киритишича, йўл-транспорт ҳодисаси соат 14:20 да Олмали туманида содир бўлган.
Дастлабки маълумотларга кўра, Kia русумли автомобиль ҳайдовчиси Макатаев кўчасидан ўтаётиб 18-рақамли йўловчи автобуси билан тўқнашиб кетган. Натижада автобус тўсиққа бориб урилган. Йўл-транспорт ҳодисаси оқибатида 16 нафар йўловчи тиббий ёрдам сўраб мурожаат қилган, яна бир йўловчи ҳодиса жойида вафот этган, — дейди Олмаота шаҳар полиция бошқармаси матбуот хизмати.
Автоҳалокат юзасидан жиноий иш очилган, тегишли экспертиза тайинланган.
Изоҳ (0)