Qozog‘istonning Pavlodar viloyatida yanvar oyida “Maykainzoloto” AJ hududida yer ostiga tushib ketgan avtobus topildi. Bu haqda Tengrinews xabar berdi.
![](/static/2024/07/25/photo_2024-07-25_10-08-00-SAjsij9y.jpg)
Avtobus 4-yanvar kuni “Maykainzoloto” AJ hududida yer ostiga tushib ketgan. Uning ichida to‘rt nafar qutqaruvchi bo‘lgan. Uch kishining jasadi topilgan, haydovchiniki esa aniqlanmagan.
“24-iyul kuni kechqurun yer qazish vaqtida qutqaruvchilar avtobusi topilgan. Yomg‘ir, shamol va ko‘chki xavfi saqlanib qolayotgani sababli qidiruv ishlari alohida ehtiyotkorlik bilan olib borilmoqda. Bugun (25-iyul) ertalab soat 05:00 dan qidiruv ishlari davom ettirildi. Ayni paytda avtomobilning old qismiga yetib borishga muvaffaq bo‘lindi, yuqorida bamper va g‘ildirak ko‘rinib turibdi”, deydi Pavlodar hokimiyati matbuot xizmati.
![](/static/2024/07/25/photo_2024-07-25_09-52-32-HCyo9x4t.jpg)
Ta’kidlanishicha, to‘rtinchi qutqaruvchi, 55 yoshli haydovchi Ayip Tleubergenovning jasadi hozircha topilmagan.
“Umid qilamizki, qidiruv ishlari tez orada kutilgan natijani beradi”, deyiladi rasmiy munosabatda.
Izoh (0)