Qozog‘istonning Pavlodar viloyatida yo‘lovchilari bo‘lgan avtobus shaxta yaqinidagi ulkan chuqurlikka tushib ketdi. Bu haqda Tengrinews xabar berdi.
Avtobus bilan birga chuqurlikka tushib ketgan ikki nafar qutqaruvchining jasadi aniqlangan. Jasadlarni olib chiqish ishlari olib borilmoqda.
“Ayni paytda qutqaruv ishlari davom etmoqda. Afsus bilan ma’lum qilamizki, Favqulodda vaziyatlar xizmati qutqaruvchilari halok bo‘lgan ikki nafar safdoshimizning jasadini qumdan topishdi. Ularni qutqarish ishlari olib borilmoqda. Avtobus topilmadi, qidiruv ishlari davom etmoqda”, — deya xabar berdi professional harbiylashtirilgan favqulodda qutqaruv xizmatlari respublika markaziy shtabi.
Respublika harbiylashtirilgan favqulodda qutqaruv xizmatlari jamoasi qurbonlarning oilalariga hamdardlik bildirdi.
“Ushbu fojiali voqea barchamiz uchun katta zarba va tuzatib bo‘lmaydigan yo‘qotish bo‘ldi. Qutqaruv xizmati qurbonlarning oilalariga barcha zarur yordamni ko‘rsatadi, qurbonlarning qarindoshlaridan hech biri qarovsiz qolmaydi”, — deyiladi bayonotda.
Viloyat favqulodda vaziyatlar boshqarmasi matbuot xizmati xabariga ko‘ra, chuqurlikning uzunligi 150-200 metr, eni 500 metr, qulash chuqurligi 150 metrni tashkil etadi. Avtobusda to‘rt kishi bo‘lgani aytilmoqda.
Izoh (0)