Франциялик футболчи Килиан Мбаппе Криштиану Роналдуни футбол афсонаси деб атади.
“Роналдуга қарши ўйнаш мен учун фахр, мен унинг ўйинини яхши кўришимни ҳамма билади. Биз ҳамон алоқаларни сақлаб қолганмиз. У футбол афсонаси бўлиб қолади, лекин эртага биз ғалаба қозонишни хоҳлаймиз.
Унга ҳасад қиламанми? Ҳамма нарсани борича қабул қилган маъқул. Криштиану — ажойиб футболчи. Унинг биографияси ҳаммасини айтиб туради. Уни жуда ҳурмат қиламан.
Криш ягона! Мен эса шунчаки ўз йўлимдан юрмоқчиман. “Реал”да ўз тарихимни ёзишни истайман”, — дейди Мбаппе.
Эслатиб ўтамиз, Франция ва Португалия Евро—2024 чорак финалида ўзаро тўқнаш келади. Улар ўртасидаги ўйин 5 июлдан 6 июлга ўтар кечаси 00:00 да старт олади.
Изоҳ (0)