Евро—2024. Пенальтилар сериясигача етиб борган ўйинда Португалия Словенияни мағлуб этиб, чорак финалга йўл олди

Футбол бўйича Европа Чемпионатининг нимчорак финалида Португалия ва Словения терма жамоалари 1 июль, душанба куни ўзаро баҳс олиб борди.

Учрашувнинг асосий бўлимларида дарвозалар ишғол этилмади. 

Қўшимча бўлимларда эса Португалия пенальти ишлаб олди. 105-дақиқада Криштиану Роналду ушбу пенальтини ноаниқ амалга оширди. Экстра таймларда ҳам гол урилмагач, ғолиб номи пенальтилар сериясида аниқланадиган бўлди. 

Пенальтилар сериясида эса португалиялик дарвозабон Кошта 3 та сейв амалга ошириб, жамоасининг ғалабасини таъминлади. Португалия сафида эса Роналду, Бруну ва Бернардулар пенальтини аниқ амалга оширди.

Шу тариқа Португалия чорак финалда Францияга қарши баҳс олиб боради.

Евро—2024

Нимчорак финал

1 июль, душанба

Португалия – Словения 0:0

Пенальтилар серияси: 3:0

Португалия: Диогу Кошта, Жоау Канселу, Пепе, Рубен Диаш, Мендеш, Бруну Фернандеш, Бернарду Сильва, Палиня, Витиня (Диогу Жота, 65), Рафаэл Леау (Франсишку Консейсау, 76), Роналду.

Словения: Облак, Стоянович (Вербич, 86), Карничник, Дркушич, Биёл, Балковес, Гнезда-Черин, Элшник (Иличич, 105), Шпорар (Селар, 75), Шешко, Млакар (Горенс-Станкович, 74).

Огоҳлантиришлар: Дркушич (32), Карничник (37), Горенс-Станкович (101), Биёл (106), Балковес (107), Жоау Канселу (107).