Нигерда террорчи гуруҳлар хавфсизлик кучларига ҳужум қилиши оқибатида 21 киши ҳалок бўлди

Нигерда террорчи гуруҳлар 25 июнь куни хавфсизлик кучлари жойлашган объектга ҳужум қилиб, 21 кишининг ўлимига сабабчи бўлган. Бу ҳақда мамлакат мудофаа вазирлиги тарқатган маълумотга асосланиб, Al Arabiya хабар берди.

Мамлакат ғарбида юз берган ҳужумда 20 нафар хавфсизлик хизмати ҳалок бўлган. Шунингдек, яна бир нафар тинч аҳоли вакили дайди ўқ келиб тегишидан вафот этган.

Ҳужум юз берган Тассия қишлоғида хавфсизлик чоралари кучайтирилган. 9 нафар жароҳатланганлар марказий касалхоналарга олиб кетилган. Мудофаа вазирлиги Нигерда уч кунлик мотам эълон қилган.

Миллий телевидение орқали тарқатилган баёнотда қуролли ҳужумни террорчи гуруҳлар коалицияси ташкил этгани айтилган. Ушбу хабар ҳукуматга қарши кайфиятдаги радикал ва демократик кучлар бирлашувини ифода этиши мумкин. Ҳукумат эса бу гуруҳларни оммавий тарзда “террорчи” деб атаган.

Ҳарбийлар воқеадан кўп ўтмай, аксилтеррор операция ташкил этган. Бир неча ўнлаб ҳужум иштирокчилари ўлдирилган. Қочиб кетган жангариларни қидириш учун ҳаво ва қуруқликдаги қўшимча кучлар сафарбар этилган.

Мудофаа вазирлиги жангариларга қарши хатти-ҳаракатини “суверенитет учун кураш” дея баҳолаган. Хавфсизлик кучлари ушбу операцияда қатъият билан давом этиши билдирилган.

Ҳужумга учраган Тассиая аҳоли пункти Мали ва Буркина-Фасо билан чегарадош Тиллабери минтақасида жойлашган. Нигер расмийлари айтишича, у ерда Ал-Қоида ва ИШИДга алоқадор исёнчилар қарийб ўн йил давомида қонли қўзғолон олиб боришмоқда.

ИШID экстремистик гуруҳи жаҳоннинг бир қатор мамлакатлари ва халқаро ташкилотлар томонидан “террорчилик ташкилоти” деб топилган.