Бутун дунё кино кассаларида энг оммабоп ҳисобланган супер қаҳрамонлар ҳақидаги фильмлар актёрларга катта муваффақият келтирган. Баъзилари эса афсуски, актёрларнинг кино фаолиятида омадсиз лойиҳаларга айланган. Қуйида аксарият томошабинлар учун манзур бўлса-да, мухлислар ва танқидчилар томонидан ижобий қабул қилинмаган қаҳрамон образларини кўриб чиқамиз.
Эдвард Нортон
Актёр Марк Руффало Marvel олами қаҳрамони Брюс Беннер — Ҳалк сифатида томошабинларга шу қадар танишки, мазкур образни бошқа актёр ижросида тасаввур этиш қийин. Бир неча йиллардан сўнг актёр Эдвард Нортон 2008 йилда намойиш этилган “Ажойиб Ҳалк” фильмида яшил қаҳрамонни ижро этди. Бироқ мазкур фильм омма эътиборига тушмади.
Ҳолли Берри
Актриса Ҳолли Берри икки хил франшизада иккита супер қаҳрамон ролини ижро этишга муваффақ бўлди. Булар “Ғаройиб одамлар”даги “Шамол аёл”ва “Мушук аёл” (2004) фильмларидир. Актрисанинг иккала фильмдаги образлари кўплаб мухлислар томонидан салбий қабул қилинган.
Фамке Янссен
“Ғаройиб одамлар” фильмидаги Феникс образи билан танилган актриса Янссен фильмдан сўнг бошқа лойиҳаларда кўринмади. Унга турли таклифлар келиб тушган бўлса-да, янги лойиҳалар актриса карьерасининг ривожланишига ёрдам бермади.
Жессика Альба
“Фантастик тўртлик” (2005) номли супер қаҳрамон фильмида Жессика Альбанинг Сю Сторм образи ҳам танқидчиларга томонидан ижобий баҳоланмади.
Йоан Гриффидд
“Фантастик тўртлик”даги бош қаҳрамон ролидан сўнг актёр Йоан Гриффиддга катта блокбастер ва бош рол учун ҳеч қандай таклиф бўлмади.
Майлс Теллер
Афтидан “Фантастик тўртлик” фильмидаги барча супер қаҳрамонлар образи танқидчиларга манзур бўлмаганга ўхшайди. Фильм актёр Майлс Теллернинг карьерасига ҳам ёрдам бермади. Сўнг у 2022 йилда “Топ Ган: Маверик” фильмидаги ажойиб образидан сўнг мавқейини тиклаб олди.
Микки Рурк
Кўпчилик интиқиб кутган “Темир одам-2” (2010) фильмининг премьераси кутилгандек натижа бермади. Микки Рурк ижро этган ёвуз қаҳрамон актёрнинг кейинги ўн йилликдаги карьерасига салбий таъсир кўрсатди.
Брендон Рут
Актёр Брендон Рутнинг узоқ йиллик танаффусидан сўнг шов-шувли ва катта муваффақият олиб келиши кутилган “Supermen қайтмоқда” фильми омадсизликка учради ва фильм танқидчилари томонидан салбий баҳоланди.
Николас Кейж
2007 йилда суратга олинган “Арвоҳ пойгачи” фильмидаги Николас Кейж ижро этган супер қаҳрамон роли кўплаб танқидга учради.
Тофер Грэйс
Асосан “70 йиллар шоуси” ситкомидаги Эрик образи орқали танилган Тофер Грэйснинг кейинги карьераси омадли кечмади. “Ўргимчак одам-3” (2007) фильмидаги Веном роли танқидчилар томонидан ижобий қабул қилинмади.
Изоҳ (0)