“Ғарбнинг Россияни қисмларга бўлиш режаси бўлган” — Сербия Республикаси раҳбари 

Ғарб Россияни беш қисмга бўлиш режасини ишлаб чиққан. Бу ҳақда Сербия Республикаси президенти Милорад Додик маълум қилди.

Биз Россияни беш қисмга бўлиш таклифи борлигини биламиз. Улар дунёнинг кўп жойларида шундай қилишга ўрганишган ва ниҳоят Россияга етиб келишди. Улар буни уддасидан чиқа оламиз деб ўйлашган, — дейди у.

Додикнинг фикрича, Ғарбнинг, хусусан, Европанинг мақсади Россия ресурсларини эгаллаб олишдир. Путин Ғарб давлатларининг режаларини дарҳол англаган ва мамлакатнинг миллий манфаатлари учун кураша бошлаган.

Мутлақо ресурслари, гази, нефти, нодир металлари, етакчилари бўлмаган Ғарбнинг, Европанинг асосий мақсади Россияга тегишли бўлган ресурсларга эгалик қилишдир, — дея хулоса қилган у.

У шу сабабли Путинни Россия ва бутун рус халқининг миллий бойлиги деб атаган.

Аввалроқ Путин Санкт-Петербург халқаро иқтисодий форуми доирасида Додик билан учрашган эди. Додик Россия билан муносабатларни жуда яхши деб атаган ва ҳозиргидек барча масалалар бўйича ҳамкорликни ривожлантириш зарурлигини таъкидлаган.