НАТО бош котиби Йенс Столтенберг альянсдаги иттифоқчиларнинг қаршиликлари туфайли Украинага 100 миллиард долларлик беш йиллик ҳарбий ёрдам фондини яратиш бўйича илгари таклиф қилган режасидан воз кечди, дея Bloomberg хабар берди.
У янги таклиф билан чиққан, унга кўра, иттифоқчилар Украинага ҳалокатли ва ноҳарбий ёрдам учун йилига камида 40 миллиард евро (43 миллиард доллар) сарфлаш мажбуриятини олади, — дейилади хабарда.
Нашрнинг таъкидлашича, таклиф келаси ҳафта Брюсселда НАТО мудофаа вазирлари томонидан қўллаб-қувватланиши мумкин.
НАТО ҳар бир мамлакат учун хайрия миқдорини уларнинг ЯИМга нисбати асосида белгилайди. Шу билан бирга, ёрдамнинг тахминан ярми АҚШ томонидан тақдим этилади.
Янги режа иттифоқчилар Украинага нима бераётгани ҳақида ошкораликни таъминлаши, шунингдек, ўз мажбуриятларини бажармаётган иттифоқ аъзоларига юмшоқ босим ўтказиши кутилмоқда.
Биз ҳозирда йилига 40 миллиард доллар сарфлаяпмиз, аммо мен иттифоқчилардан буни келгусида ҳам давом эттиришларини сўраяпман. Биз ҳеч бўлмаганда ушбу даражадаги ёрдамни қанча керак бўлса тақдим этиб туришимиз керак, — дейди Столтенберг.
Изоҳ (0)