Қўшма Штатлар Нигердан ўз қўшинларини расман олиб чиқишни бошлади. Бу ҳақда республика армияси бош штаби бошлиғи, полковник Мамане Сани Kиaу маълум қилди.
2024 йилнинг 19 майида Америка қўшинларини олиб чиқиш тўғрисидаги битим имзолангандан бери Нигерни 269 нафар аскар аллақачон тарк этган, — деди у.
1000 дан ортиқ АҚШ аскарлари Нигерда иккита ҳарбий базадан фаолият юритган. Улардан бири ИШИД ва “Ал-Қоида” жангариларига ҳужум қилишган. 2023 йилда Нигерда ҳарбий тўнтариш содир бўлган, шундан сўнг 2024 йил март ойида ҳарбий хунта АҚШ қўшинларини олиб чиқишни талаб қилган.
19 май куни Қўшма Штатлар ва Нигер қўшма коммюнике имзолаган, унга кўра, Америка қўшинларини олиб чиқиш 15 сентябрдан кечиктирмай якунланиши керак. Нигер ҳукумати америкалик ҳарбийларнинг мамлакат ҳудудида бўлиши ноқонуний бўлганини айтган.
- Аввалроқ россиялик аскарлар Нигердаги ҳарбий базада алоҳида бинога жойлашгани ва Америка ҳарбийлари бу базадан энди фойдалана олмасликлари айтилган эди. Бу воқеа Нигер ҳукуматининг Америка армиясини мамлакатдан олиб чиқиш бўйича талаблари ортидан юз берган.
Тhe Hill нашри Америка аскарларининг Нигердан олиб чиқилиши минтақадаги АҚШнинг ролини заифлаштириши ва Россия, Эрон ҳамда Хитой каби давлатларнинг Африкадаги таъсирини кучайтириши мумкинлигини қайд этган.
Изоҳ (0)