Женнифер Лопес ва Бен Аффлек ажралиш арафасида экани ҳақида бир нечта хорижий манбалар тасдиқлаб ёзмоқда. ОАВ жуфтликни сўнгги марта Беннинг ўғли иштирокидаги баскетбол ўйини вақтида бирга кўрган бўлса-да, эндиликда уларнинг уйи сотувга қўйилгани ҳақидаги эълон пайдо бўлди.
Ўтган йили Голливуднинг машҳур жуфтлиги 60 миллион долларлик катта майдонга эга уйни сотиб олди. Улар қулай уйни қидиришга деярли икки йил вақт сарфлади. Бир неча кун аввал эса риэлторлик сайтида мазкур кўчмас мулк суратлари жойлаштирилди. Эълонда уй сотилгани ҳақида ҳам қайд этилган, деб ёзади Page Six.
Бундан ташқари, Аффлек 16 май куни Лос-Анжелесдаги уйларидан биридан чиқиб кетаётганида камера объективига тушиб қолган — актёр у ерда тунаб қолган, деб тахмин қилиняпти. Айтишларига қараганда, Бен аллақачон бошқа уйга кўчиб ўтган. Бен яшайдиган хонадонга собиқ рафиқаси Женнифер Гарнер тез-тез ташриф буюради. Собиқ эр-хотиннинг дўстлари айтишича, Женнифер Беннинг никоҳини сақлаб қолишга ёрдам беришни истайди.
Бен Аффлек ва Женнифер Лопес ўртасидаги келишмовчиликлар сабаби ҳозирча номаълум. Улар камдан кам ҳолларда бирга жамоат жойларига ташриф буюради. Куни кеча хонанда Лопес оиласи ва қизлари билан кўпроқ вақт ўтказиш учун мусиқий гастрол сафарларини бекор қилди.
Изоҳ (0)