Хитой Украина бўйича конференцияда қатнашишдан бош тортди — Reuters

Хитой Украина бўйича Швейцария конференциясида иштирок этмаслиги ҳақида бошқа давлатлар ҳукуматлари маълум қилди. Бу ҳақда Reuters хабар берди.

Пекин таклифни рад этди, чунки унинг иштироки учун шартлар бажарилмаган, — дейилади агентлик хабарида.

Маълум бўлишича, Хитойнинг рад этиши Россиянинг анжуманда иштирок этмаслиги билан боғлиқ.

Аввалроқ Bloomberg манбаларига таяниб, Бразилия ва Ҳиндистон Швейцариядаги конференцияга кичик мансабдор шахсларни юбориши мумкинлиги, Хитой эса тадбирларда юқори мартабали давлат хизматчилари иштирок этиши билан чекланиши мумкинлиги ҳақида хабар берганди. Нашрга кўра, АҚШ президенти Жо Байден ҳам сайлов кампаниясига эътибор қаратиб, тадбирда қатнашмаслиги мумкин.

Швейцария 15—16 июнь кунлари Луцерн шаҳри яқинида Украина бўйича анжуман ўтказади. Учрашувга 160 га яқин давлат вакиллари таклиф этилган.

Швейцариядаги элчихона матбуот котиби Владимир Берн Москвага саммитда иштирок этиш учун таклиф юбормаганини айтган эди. Унга кўра, Россия ҳеч қандай ҳолатда иштирок этмайди. Дипломатнинг қўшимча қилишича, ташкилотчилар томонидан шиддат билан илгари сурилган тинчлик конференцияси ғояси Кремль учун номақбул бўлиб қолмоқда.

Президент матбуот котиби Дмитрий Песков, Швейцариядаги Украина бўйича саммит Москва иштирокисиз маъносиз эканини таъкидлаган.