АҚШ 30 май куни Россиянинг “Вагнер” гуруҳи билан алоқадорлиги аниқланган Марказий Африка Республикасидаги компанияларга санкция киритган. Бу ҳақда АҚШ Молия вазирлиги тарқатган хабарга асосланиб, Reuters нашри хабар берди.
Манбада айтилишича, Қўшма Штатлар Марказий Африка Республикасининг “Вагнер” ёлланма гуруҳига алоқадор икки компаниясига ва ноқонуний кончилик фаолиятига қарши санкциялар жорий қилган.
Вашингтон расмийлари “Вагнер”ни Марказий Африка Республикасида агрессив сиёсат юритишда айблаган. “Вагнер” ва унга алоқадор компаниялар у ерда “кенг хавфсизлик ва бизнес тармоғи ташкил этганини” маълум қилган.
“Ушбу тармоқ Марказий Африка Республикаси суверенитети ҳисобига Россиянинг беқарорлаштирувчи фаолиятини илгари сурмоқда”, — дейилади АҚШ Давлат департаменти.
Санкциялар рўйхатига тушган компаниялардан бири тоғ-кон комбинати бўлиб, у ,Вашингтоннинг таъкидлашича, кимёвий моддалар импорти билан шуғулланади. Ушбу комбинат ўзи учун керакли асбоб-ускуналарни ташиш учун “Вагнер” самолётларини ижарага олган.
Изоҳ (0)