НАТО давлатлари Украинага ҳар йили 40 миллиард долларлик ҳарбий ёрдам ажратиш ҳақидаги келишувга эришишга яқин турибди.
Бу ҳақда Польша ташқи ишлар вазири Радослав Сикорски Прагадаги НАТО ташқи ишлар вазирларининг норасмий учрашувидан сўнг маълум қилди.
“Учрашув натижасида биз Украинага ҳар йили 40 миллиард доллар миқдорида ҳарбий ёрдам ажратиш механизмини яратишга яқинмиз”, — деди Сикорский матбуот анжуманида.
Унга кўра, бу маблағнинг ярми АҚШ ҳиссасига тўғри келади, қолган 20 миллиард доллар иттифоқ давлатлари ўртасида уларнинг ялпи ички маҳсулотига мутаносиб равишда тақсимланади.
Аввалроқ НАТО Украинани беш йил давомида қўллаб-қувватлаш учун аввал режалаштирилганидек 100 миллиард доллар эмас, балки икки баробар кўп маблағ ажратиш вариантини кўриб чиқаётгани ҳақида хабар берилганди.
Изоҳ (0)