Kinoijodkorlar bu aktyorlarni filmida suratga olish uchun bir-biri bilan kurashishga tayyor. Ularning kadrda borligi film muvaffaqiyatini kafolatlaydi.
Timoti Shalame
Aktyor o‘smirlik chog‘ida top rejissyorlar bilan ishlagan. Hozirda Timoti Shalame ishtirokidagi ko‘plab loyihalar g‘oyat yuqori kassa tushumlariga ega. Ular orasida “Vonka” va “Dyuna 2” bor. Film ijodkorlarining fikriga ko‘ra, Timoti istiqbolli aktyorlardan biridir.
Jenna Ortega
“Uenzdey” serialini Netflix tarixidagi eng ko‘p tomosha qilingan seriallardan biriga aylantirgan Jenna Ortegami yoki aksincha, shov-shuvli loyiha yosh aktrisaning ko‘tarilishida yordam berdimi? Nima bo‘lganda ham bir narsa aniq: yulduz Gollivudda eng talabgir aktrisalardan biriga aylandi — uning ishtirokidagi loyihalar katta daromad keltirishi kafolatlanadi.
Florens Pyu
Florens Pyu ishtirokidagi so‘nggi loyihalardan biri — “Xavotir olma, azizim” muvaffaqiyatsizlikka uchraganiga qaramay, aktrisa hali ham shon-shuhrat cho‘qqisida qolmoqda. So‘nggi ikki yil ichida yulduz “Mo‘jiza”, “Oppengeymer”, “Yaxshi odam” va “Dyuna 2” filmlarida iste’dodini ko‘rsatishga muvaffaq bo‘ldi. Bundan tashqari, Florens Marvel filmlarida ham rol o‘ynagan.
Anya Teylor-Joy
2020-yilda chiqqan “Qirolichaning yurishi” seriali Anya Teylor-Joy uchun o‘zini boshqa rakursdan ko‘rsatish imkoniyatiga aylandi. Hozirda aktrisa turli ijtimoiy tadbirlarda tez-tez mehmon bo‘lib, uning nomi ommaviy axborot vositalarining sarlavhalarini tark etmaydi. Uning filmografiyasidagi so‘nggi shov-shuvli loyihalardan biri bu “Furiosa: Telba Maks yilnomalari” fantastik jangari filmidir.
Zendeya
Zendeyaning aqlbovar qilmaydigan mashhurligini inkor etishning iloji yo‘q. Aktrisaning hozirgi yuksalishini “O‘rgimchak odam: Uyga qaytish”, “Eng zo‘r shoumen” va “Eyforiya” kabi filmlar ta’minladi. Bugungi kunda yulduz hamma joyda katta talabga ega.
Jeykob Elordi
Jeykob Elordi birinchi marta “Eyforiya” seriali chiqqandan keyin mashhur bo‘lib ketdi. Aktyorga bo‘lgan jamoatchilik qiziqishi uning ishtirokidagi keyingi loyihalarga yo‘l ochib berdi. Bu yil esa Kann kinofestivalida bosh rolda Elordi bo‘lgan “O, Kanada” dramasi taqdim etildi.
Ostin Batler
Yosh istiqbolli aktyor anchadan beri mashhur. Ostin Batlerning navbatdagi olamshumul mashhurligi uning ishtirokidagi “Elvis” va “Dyuna 2” filmlari chiqqandan keyin keldi. Kino tanqidchilari ko‘pincha yulduzni Bred Pitt bilan solishtiradi va Ostin afsonaga aylanish uchun barcha xislatlarga ega ekanligiga ishonishadi.
Izoh (0)