Россия “Толибон” ҳаракатини “террорчи ташкилотлар” рўйхатидан чиқариш устида ишламоқда. Афғонистон озодлик фронти “Толибон”га ён бериш орқали Россия “терроризм”ни Марказий Осиёга ва ундан ташқарига ёйишини таъкидлади. Бу ҳақда Hasht-e Subh Daily хабар берди.
Озодлик фронтининг таъкидлашича, “Толибон” ҳаракатини “террорчи ташкилотлар” рўйхатидан чиқариш “Россиядек буюк давлатнинг қадр-қимматига зид бўлади”.
“Толибон” бир қатор террорчи гуруҳлар, жумладан, “Таҳрики Толибон” (ТТП), Тожикистоннинг “Ансоруллоҳ”, “Ал-Қоида”, Шарқий Туркистон Исломий ҳаракати ва бошқа гуруҳлар билан алоқада, — дейди Афғонистон озодлик фронти.
Шунингдек, баёнотда “Толибон” Афғонистонда сиёсий ҳокимиятни куч билан қўлга киритгани ва у мамлакатни қайтариб олганидан кейин ҳам фуқаролар, айниқса, аёллар ҳуқуқларини поймол қилишда давом этгани таъкидланади.
Эслатиб ўтамиз, 28 май куни Россия ташқи ишлар вазири Сергей Лавров “Толибон” номини ушбу мамлакатдаги “террорчи” ташкилотлар рўйхатидан чиқариб ташлаш ҳаракатини билдирди. Россия президенти Владимир Путин ҳам “Толибон” билан алоқалар ўрнатиш зарурлигини айтганди.
Изоҳ (0)