“Россия ‘Толибон’ билан кенг кўламли алоқаларни ўрнатиш арафасида” — Медведев

Россия Афғонистонда ҳокимият тепасида турган “Толибон” ҳаракати билан тўлақонли муносабатлар ўрнатиш арафасида. Бу ҳақда Россия Хавфсизлик кенгаши раиси ўринбосари Дмитрий Медведев маълум қилди.

Шу билан бирга, у сўнгги йилларда кўп нарса ўзгарганини таъкидлаган, хусусан, илгари “Толибон” террорчи деб ҳисобланган бўлса, энди Америка расмийлари террорчиларнинг шерикларига айланган.

Йигирма йил бу — жуда узоқ давр бўлиб, бу даврда 21-аср бошида биз “Толибон”ни террорчи, америкаликларни эса экстремизмга қарши курашда шерик деб билган эдик, — дейди Медведев.

Унинг фикрича, замонавий Афғонистон ҳукумати конструктив мулоқот ўтказишга ҳаракат қилмоқда.

Келинг, кутамиз ва кузатамиз, — деб ишонч билдирган Медведев.

Медведев, шунингдек, Қўшма Штатларни террорчиларга ёрдам беришда ва Россияга қарши гибрид уруш олиб боришда айблаган.

Россия ТИВнинг Осиё бўйича вакили Замир Кабуловнинг маълум қилишича, Россия ТИВ ва Адлия вазирлиги Россия президенти Владимир Путинга “Толибон” ҳаракати тақиқланган ташкилотлар рўйхатидан чиқарилиши мумкинлиги ҳақида маълум қилган. Шунингдек, у Россия “Толибон”га Санкт-Петербург халқаро иқтисодий форумида иштирок этиш учун таклифнома юборганини айтган.

Россия ТИВ раҳбари Сергей Лавровнинг таъкидлашича, “Толибон”ни террорчи ташкилотлар рўйхатидан чиқариш ташаббуси объектив воқеликни акс эттиради.