Мамлакатда фаолияти тўхтатилган БМТ Инсон ҳуқуқлари бўйича олий комиссарининг Каракасдаги бошқармаси жосуслик ва фитна уюштириш билан шуғулланган, деди Венесуэла президенти Николас Мадуро. Бу ҳақда EFE хабар берган.
Давлат раҳбари ушбу бошқарма террорчилар ҳамда Венесуэла қотиллари учун юридик фирмага айланганини қўшимча қилган.
Унинг сўзларига кўра, расмийлар бошқарма томонидан қонун бузиш ҳолатлари ҳақида БМТга камида 10 марта хабар берган, бироқ ҳеч қандай чора кўрилмаган.
“Барча (бошқарма ходимлари), хайриятки, шанба куни мамлакатни тарк этди. Бошқарма БМТ қонунларини, Венесуэла мустақиллиги ва суверенитетини ҳурмат қилмагунча, вазиятни тўғриламагунча ва ошкора узр сўрамагунча унинг ходимлари мамлакатга қайтмайди”, — дея хабар берган Мадуро.
Изоҳ (0)