Япониянинг Toyota автомобилсозлик компанияси 2024 йилда Парижда бўлиб ўтадиган мусобақадан сўнг Олимпиада ўйинларига ҳомийликни тўхтатмоқчи. Бу ҳақда Япониянинг Kyodo агентлиги вазиятга яқин манбаларга таяниб ёзган.
Унга кўра, бунга сабаб Toyota раҳбариятининг фикрича, Халқаро Олимпия Қўмитаси (ХОҚ) томонидан “спортчиларни қўллаб-қувватлаш ва спортни оммалаштириш” учун маблағларнинг самарасиз сарфланишидир.
Toyota компанияси ХОҚ билан 2015 йилги мусобақага ҳомийлик қилишга келишиб олганди. Кейин бу 835 миллион долларлик энг йирик ҳомийлик шартномаси эканлиги маълум қилинди.
Унга 2018 йилда Пхёнчхандаги қишки Олимпия ўйинларидан шу йил Парижда бўлиб ўтадиган ёзги Олимпиада ўйинларигача бўлган тўртта мусобақага ҳомийлик ҳам киритилган. Манбаларга кўра, Toyota энди бу шартномани узайтирмоқчи эмас.
Компания изоҳ беришдан бош тортди.
Изоҳ (0)