Венесуэланинг нефть ва газ секторига қарши АҚШ санкциялари тикланганига қарамай, мамлакат нефть саноати ривожланади. Бу ҳақда 18 апрель куни Венесуэла президенти Николас Мадуро маълум қилди.
На блокада, на санкциялар, на лицензиялар Венесуэла нефти, гази ва Венесуэла нефть-кимё саноатини ишлаб чиқаришни тўхтата олади, — деди Мадуро.
Унинг фикрича, етти йил ичида Венесуэла ривожланиб, жаҳон энергия бозорида асосий ишлаб чиқарувчилардан бирига айланади.
PDVSA (давлат нефть ва газ компанияси) ривожланиш, ўсиш учун лицензияга муҳтож эмас ва ҳеч ким бизнинг асосий энергетика соҳамиз ўсишини тўхтата олмайди, — деди Мадуро АҚШнинг 44-сонли Бош лицензияни янгиламаслик ҳақидаги қарорига ишора қилиб.
Президентнинг таъкидлашича, Қўшма Штатлар роппа-роса бир йил олдин Венесуэла ҳукумати билан тўғридан тўғри, норасмий, яширин музокаралар бошлашни талаб қилган. Қатар, Италия ва Мексикада бўлиб ўтган етти раунд музокаралар давомида дипломатик муносабатларни тиклаш, миграция масалалари ва санкцияларни бекор қилиш масалалари муҳокама қилинган.
Мадуро Венесуэла АҚШ билан тузилган келишувларнинг барча бандларини бажарганини таъкидлаган. Вашингтон Венесуэла жамияти ва иқтисодиётига қарши барча жиноий санкцияларни бекор қилиш ҳақидаги келишувни бажармаган.
Аввалроқ АҚШ Венесуэланинг нефть ва газ секторига қарши санкцияларни енгиллаштирадиган 44-сонли Бош лицензияни узайтирмасликка қарор қилган эди. АҚШга кўра, Мадуро ҳукумати радикал мухолифатни бирлаштирган Венесуэла Унитар платформаси билан 2023 йил октябрь ойида Барбадосда тузилган келишув бўйича баъзи мажбуриятларини бажармаган. Бу келишув 2024 йилда президентлик сайловларини ўтказишга тегишли.
Изоҳ (0)