Россия армияси 14 май куни янги ҳужумлар бошлаши ортидан минглаб фуқаролар Украинанинг Харьков вилоятидан эвакуация қилинди. Бу ҳақда Харьков вилояти раҳбарияти эълон қилган хабарга асосланиб, The Moscow Times нашри хабар берди.
Манбада айтилишича, фуқаролар мажбурий тартибда Харьковдан кўчирилмоқда. Ҳарбийлар кўчириш жараёнини самарали ташкил этишга ҳаракат қилмоқда.
Ҳозирга қадар Россия қўшинлари Харьков вилоятидаги камида 9 та аҳоли пунктини эгаллаб олгани маълум қилинган. Ушбу ҳудудлардан 5700 нафардан ортиқ фуқаро эвакуация қилинган.
Маҳаллий ҳокимият органлари ва кўнгиллилар кучли ўққа тутилган қишлоқлардан омон қолган аҳолини эвакуация қилиш устида иш олиб бораётгани билдирилган. Украиналик ҳарбийлар эса, ўқ-дорилар тақчиллигига учраб, ҳужумга жавоб беришга қийналаётгани хабар қилинган.
Вилоят раҳбарияти ҳудудда қочқинлар сони кўпайиши мумкинлигини билдирган. Россия ҳужумларининг эҳтимолий нуқталаридан фуқароларни оммавий кўчиришга тайёргарлик кўрилаётгани айтилган.
Изоҳ (0)