Белгородда 12 май куни ўн қаватли турар жой биноси қулаб тушиши оқибатида ҳалок бўлганлар сони 15 кишига етди. Бу ҳақда Россия Фавқулодда вазиятлар вазирлигига таяниб, “РИА Новости” хабар берди.
Қутқарувчилар Белгороддаги турар-жой биноси вайроналари остидан 17 кишини олиб чиққан, қурбонлар сони 17 тани ташкил этмоқда. Фавқулодда вазият жойида қидирув-қутқарув ишлари ва вайроналарни тозалаш ишлари якунланган.
12 май куни тушга яқин Белгородда кўп қаватли уйнинг бир қисми қулаб тушди. Фавқулодда ҳодиса Шорса кўчасида содир бўлган. Ҳодиса юз беришидан аввал Белгородда ракета ҳужумидан огоҳлантириш тизими ишга тушган. Россия Мудофаа вазирлиги Белгороддаги турар жой биносининг бир қисми қулашига уриб туширилган Украинанинг “Точка-У” ракетасининг парчаси сабаб бўлганини маълум қилган. Украина ҳарбийлари шаҳар ўққа тутилгани ҳақида ҳозирча маълумот бермаган.
Россия Мудофаа вазирлиги тарқатган хабарда Украина томони Белгородни “Точка-У” тактик ракета мажмуаси, “Олха” ва РМ-70 “Вампир” ўт очувчи реактив тизимларидан фойдаланган ҳолда ўққа тутгани айтилади. Ҳужумни қайтариш пайтида Россия ҳаво ҳужумидан мудофаа тизимлари олтита “Точка-У” ракетасини, тўртта “Вампир” ва иккита “Олха” реактив тизимини йўқ қилган. Уриб туширилган “Точка-У” ракеталаридан бирининг бўлаклари Белгород шаҳридаги турар жой биносига зарар етказган.
Изоҳ (0)