Россия қўшинлари Авдеевка ғарбида жойлашган Уманское қишлоғига кириб, у ерда СССР байроғини ўрнатди. Бу ҳақда Bild таҳлилчиси Юлиан Рёпка хабар берди.
Рёпкенинг сўзларига кўра, Авдеевка рус ҳарбийлари томонидан қўлга киритилгандан сўнг, Украина қўшинлари шаҳарнинг ғарбий қисмида Бердичи — Семеновка — Орловка — Тоненкое линиясида мудофаани ушлаб турган. Бироқ, март ойининг охирига келиб рус армияси бу линияни ёриб ўтиб, ғарбга қараб силжиган.
Шундан сўнг, Украина армияси ғарбдаги қишлоқларда мудофаа позицияларини эгаллаган, улардан биринчиси Уманское эди. Рёпке рус қўшинлари энди бу қишлоққа ҳам кирганини айтмоқда.
“Иккинчи жаҳон урушида ҳалок бўлганлар ёдгорлигига рус ҳарбийлари ўроқ ва болға акс этган СССРнинг қизил байроғини ўрнатди”, — дейди у.
Таҳлилчи қишлоқнинг жанубий ва ғарбий қисмлари ҳамон Украина армияси назоратида қолаётганини айтди. Баъзи сунъий йўлдош тасвирлари руслар Уманское шарқидаги Украина хандақларига фаол ҳужум қилаётгани, Украина қўшинлари ғарбга чекинаётганини кўрсатади.
Изоҳ (0)