Қиз фарзанд отасига ўхшаса, у албатта бахтли бўлади, деган ибора бор. Агар бу рост бўлса, машҳурларнинг қизлари ҳаётида ҳамма нарса аъло даражада бўлиши керак. Ахир, улар қуйиб қўйгандек дадасининг ўзи-ку. Келинг, яхшиси суратларга эътибор қаратамиз:
Том Круз ва унинг қизи Сури
Сури 2006 йилда туғилган. Қизнинг онаси актриса Кети Ҳолмсдир. Жуфтлик беш йиллик турмушдан кейин 2012 йилда ажрашиб кетган.
Брэд Питт ва унинг қизи Шайло
2006 йилда Брэд Питт ва Анжелина Жолининг тўнғич фарзанди туғилиши ОАВда энг кўп муҳокама қилинган шов-шувли воқеалардан бири бўлган эди. Қизалоқнинг илк суратлари People журналига 4,1 миллион долларга сотилган. Афсуски, юлдузли жуфтлик 2016 йилда ажрашган ва ҳозирда васийлик ва мол-мулк учун судда курашиб келмоқда.
Дэвид Бекҳэм ва унинг қизи Ҳарпер
Дэвид Бекҳэм ва унинг қизи — идеал ота-қиз муносабатларининг яққол намунаси. Уларнинг биргаликда тушган фотосуратларига фақат ҳавас билан боқиш мумкин. Девид ва унинг қизи Ҳарпер тез-тез бирга вақт ўтказади: саёҳат қилади, балиқчилик ёки концертларга боради. Суратлардан Ҳарпер отаси учун энг севимли ва эркатой малика эканлигини сезиш мумкин.
Стивен Тайлер ва унинг қизи Челси
Челси Тайлер 1989 йилда туғилган. Қизнинг барча ташқи хусусиятлари: табассуми, жингалак сочлари ва мовий кўзлари отасига жуда ўхшайди. Аммо Челсининг ота-онаси ҳам 17 йиллик турмушдан кейин ажрашиб кетди.
Уилл Смит ва унинг қизи Уиллоу
Уилл Смит ва унинг рафиқаси Жада Пинкетт 2000 йилда қиз фарзандли бўлган. 24 ёшли Уиллоу ҳозирда отасининг ўзгинаси. Смит ҳар доим оиласини қадрлаган ва рафиқасининг шарафини ҳимоя қилишга тайёр бўлган актёрлардан. Оскар маросимидаги шов-шувли воқеани бир эсланг: актёр Жада ҳақида ноўрин ҳазил учун бошловчининг юзига тарсаки тортиб юборган эди.
Ҳит Леджер ва унинг қизи Матильда
Матильда отасидан жуда эрта айрилган — 2008 йилда Леджер вафот этганида у атиги икки ёшда эди. Қизалоқ отасини эслай олмаса-да, унга жуда ўхшайди. Ҳитнинг отасига кўра, Матильданинг ҳатто қадам ташлаши ҳам отасига жуда ўхшайди.
Изоҳ (0)