Хакерлар Британия Мудофаа вазирлиги ҳарбийлари ва ходимларининг шахсий маълумотларини ўз ичига олган маълумотлар базасига бузиб кирди. Бу ҳақда Sky News хабар берди.
Хакерлик ҳужуми ортида ким тургани номаълум. Sky News ҳукумат аниқ бир давлат номини айтмаса-да, хакерлар Хитой расмийларига алоқадор деб ҳисоблайди. Улар ҳарбийларнинг иш ҳақи ва банк ҳисобрақамларини сақлайдиган тизимга киришга муваффақ бўлган. Тизимда Британия армияси, денгиз флоти ва ҳаво кучларининг амалдаги ва собиқ аъзоларининг шахсий маълумотлари ҳужжатлар кўринишида сақланган.
Таъкидланишича, хакерлар Мудофаа вазирлигининг тезкор маълумотларига кира олмаган. Вазирлик ҳужумни аниқлаб, дарҳол чора кўрган ва тизимга ташқи киришни узиб қўйган. Британия мудофаа вазири Грант Шаппс ҳолат юзасидан баёнот бериши ва жабрланган ҳарбий хизматчиларни ҳимоя қилиш бўйича чора-тадбирларни ўз ичига олган “режа”ни улашиши кутилмоқда.
Изоҳ (0)