Россия бош вазири Михаил Мишустин 7 май куни ҳукумат истеъфоси тўғрисидаги фармонни имзолади. Бу ҳақда Вазирлар Маҳкамасининг Telegram каналида хабар берилди.
Мишустин бош вазир лавозимида тўрт йилдан сал кўпроқ вақт ишлаган, унинг бошчилигидаги ҳукумат конституцияга мувофиқ истеъфога чиқди. Ҳукумат аъзолари янги Вазирлар Маҳкамаси шакллангунча ўз вазифаларини бажаради. Бош вазирни тайинлаш май ойида бўлиб ўтади.
“Бош вазир номзоди давлат Думасининг 10 май куни бўлиб ўтадиган ялпи мажлисида маъқулланади”, — деб хабар берди депутат Александр Мажуга.
2018 йилда бош вазирликка номзод — Дмитрий Медведев номи инаугурациядан бир соат ўтиб президент Владимир Путин томонидан айтилганди. Янги ҳукумат 13–19 май кунлари бўлиб ўтадиган ялпи мажлисда тасдиқланиши режалаштирилган. Ундан олдин Дума қўмиталарида номзодлар билан учрашувлар ўтказилади.
“20 майгача ҳаммаси шаклланган бўлиши керак”, — дейди Коммунистик партия раҳбари Геннадий Зюганов.
Вазирлар Маҳкамаси истеъфога чиққанидан сўнг собиқ бош вазир, унинг ўринбосарлари ва вазифасини бажарувчи сифатида фаолиятини давом эттиради. Вазирлар Маҳкамаси янги ҳукумат тасдиқлангунча шу форматда ишлайди. Бундан ташқари, президент администрацияси раҳбариятининг ваколатлари автоматик тарзда тугайди.
Изоҳ (0)