Россия Федерацияси мудофаа вазири Сергей Шойгу 9 май куни Москванинг Қизил майдонида ўтказиладиган Ғалаба парадида 9 мингдан ортиқ аскар қатнашишини маълум қилди. Бу ҳақда “ТАСС” нашри маълум қилди.
Манбада айтилишича, парадда 70 та ялпи ҳужум тизимлари ҳам намойиш этилиши режалаштирилган. Бу йилги ҳарбий парадга расмийлар анча жиддий тайёргарлик кўргани айтилган.
“Қизил майдондаги асосий ҳарбий парадда минг нафардан ортиқ шахсий таркиб ва 70 та қуролли тизим иштирок этади. Пиёдалар колонналарига қуролли кучлар ва ҳарбий қисмларнинг полк, баталон ва роталари, Суворов пиёдалари ва Нахимов денгиз флоти, кадет ва ҳарбий-мусиқий парад бўлинмалари киради. Ҳарбий мактаблар, “Ёш армия” ёшлар ҳаракати вакиллари, аёл ҳарбий хизматчилар, казаклар ва бирлаштирилган ҳарбий оркестр аъзолари ҳам жалб қилинади”, — дейилган Россия мудофаа вазири баёнотида.
Анъанага кўра, 9 май куни Москванинг Қизил майдонида Совет Иттифоқининг Биринчи жаҳон урушидаги ғалабасининг 79 йиллигига бағишланган Ғалаба паради ўтказилиши режалаштирилган. Байрам олдидан ташкил этиладиган сўнгги синов намойиши 5 май куни бўлиб ўтиши хабар қилинган.
Расмий манбалар 9 май куни Россиянинг 28 шаҳрида ҳарбий парадлар бўлиб ўтишини маълум қилган. Уларда 50 мингдан ортиқ аскар ва мингга яқин қурол-яроғ ҳамда ҳарбий техника иштирок этиши кутилмоқда.
Изоҳ (0)