9 май куни Россия президенти Владимир Путин ўз кучини кўрсатиш учун курашди, бироқ Москвадаги парад унинг геосиёсий яккаланганини намойиш этди. CNN нашри тегишли таҳлилни эълон қилди.
Нашрнинг қайд этишича, Путин ўз нутқида Украинага бостириб кириш ва Иккинчи жаҳон уруши қурбонлари ўртасида чизиқ тортди. 2023 йилги Ғалаба паради илгари Қизил майдонда ўтказилган ҳарбий парадларга нисбатан энг қисқа вақт, 45 дақиқа давом этди.
Путин қутқарувчи бўлишни хоҳлади
Гўёки фахрийлар қуршовида бўлган Россия президенти ўзини Ғарбнинг “глобалистик элитаси” қаршисида турган “заифлашган Россиянинг қутқарувчиси ва ҳимоячиси” сифатида кўрсатди.
“Бугун цивилизация яна парчаланиш арафасида. Ватанимизга қарши яна ҳақиқий уруш бошланди”, — деган Путин.
Европа комиссияси раҳбари Урсула фон дер Ляеннинг 9 май куни Киевга ташриф буюргани Путиннинг Европа ва Ғарбдан яккаланиб қолганини яққол кўрсатди.
Москвадаги парадга ташриф
Россиянинг халқаро изоляция қилинганини парадда қатнашиш учун Москвага келган сиёсатчилар ҳам намойиш этди. Булар Арманистон, Қозоғистон, Қирғизистон, Тожикистон, Туркманистон ва Ўзбекистон етакчилари эди. Бундан ташқари, парадга Беларусь раҳбари Александр Лукашенко келди, у ўзини ёмон ҳис қилиб, парад тугаганидан кейин бошқа давлатлар раҳбарлари билан тушликка қолмаган ҳолда Минскка жўнаб кетди.
Оммавий ахборот воситаларига кўра, Ғалаба парадида ҳарбий техника жуда ёмон намойиш этилган. Хусусан, стратегик авиация унда умуман иштирок этмаган. Ҳарбий техникалардан 80 йиллик Т-34 танк намойиш қилинган.
Изоҳ (0)